Intel Xeon процессори олов ва пичоқ билан қисмларга ажратилди
Intel Xeon Силвер 4110 процессори Ҳаскинатор YouTube каналида ноодатий усулда олов ва пичоқ билан қисмларга ажратилди. Процессорнинг иссиқлик тарқатувчиси олиб ташлангандан сўнг, кристал кимёвий моддалар билан ишлов берилди. Бундай қўпол усулларга қарамай, натижада кремний кристалининг чиройли нақшлари намойиш этилди. Асосий мақсад ички тузилишни кўрсатиш эди, процессорнинг ишлашини сақлаб қолиш эмас.
Ҳаcкинатор YouTube каналида Intel Xeon Силвер 4110 процессорини қисмларга ажратишнинг ноодатий усули намойиш этилди. Бу ҳақда Ixbt.com хабар беради.
Видео муаллифлари дастлаб ўрнатилган иссиқлик тарқатувчини олиб ташлашди. Шундан сўнг кристалнинг ўзи ажратиб олинди ва кремний тузилишини кўрсатиш учун кимёвий моддалар билан ишлов берилди.
Одатдаги эҳтиёткорлик ўрнига пичоқ, бурагич, газ ёндиргич ва қотириш винтлари каби қўпол усуллардан фойдаланилди.
Натижада процессор бутунлай ишдан чиқди. Бироқ асосий мақсад унинг ишлашини сақлаб қолиш эмас, балки ички тузилишини намойиш этиш эди.
Ортиқча қатламлар олиб ташлангач, муаллифлар кристални махсус паста билан тозалаб, кучли микроскоп остида ўрганишди.
Бундай қўпол ёндашувга қарамай, якуний суратлар кремний кристалининг мураккаб ва чиройли нақшини кўрсатиб берди.
[media=https://cdn.embedly.com/widgets/media.html?src=https%3A%2F%2Fwww.youtube.com%2Fembed%2FbAxGHXc-E90%3Ffeature%3Doembed&display_name=YouTube&url=https%3A%2F%2Fwww.youtube.com%2Fwatch%3Fv%3DbAxGHXc-E90&image=https%3A%2F%2Fi.ytimg.com%2Fvi%2FbAxGHXc-E90%2Fhqdefault.jpg&type=text%2Fhtml&schema=youtube]
Изоҳлар 0
…