Huawei Пура 90 Pro телефони савдоси биринчи кунда 175 фоизга ошди

"Huawei" компанияси янги "Пура 90" смартфонлар тармоғини тақдим этди. "Пура 90 Pro" версиясининг дастлабки сотув натижалари рекорд даражани қайд этди. Бу ҳақда Ixbt.com хабар беради.

Қурилма харидорлар ўртасида катта қизиқиш уйғотиб, аввалги моделларни сезиларли даражада ортда қолдирди.

"Huawei Пура 90 Pro" сотуви "Пура 80 Pro" моделига нисбатан 175 фоизга юқори бўлди. Агар "Пура 70 Pro" билан солиштирилса, бу кўрсаткич 225 фоизга етади.

Компания сотилган смартфонларнинг аниқ сонини очиқламади.

Янги флагман градиент ранглардаги дизайн ва кучли техник хусусиятларга эга. Смартфон "Kirin 9030С" процессори ҳамда "HarmonyOS 6.1" операцион тизимида ишлайди.

Бу эса унумдорликни аввалги авлодга қараганда 25 фоизга ошириш имконини берди.

Шунингдек, қурилма 6000 mA/соат сиғимли аккумулятор билан жиҳозланган. У 66 Вт симли ва 50 Вт симсиз тезкор қувватланиш хусусиятига эга.

Яхшиланган камера имкониятлари ҳам харидорлар эътиборини тортмоқда.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг