YouTube интерфейсидаги хатолик сабабли битта саҳифа 7 GB хотира сарфламоқда
YouTube интерфейсидаги хатолик сабабли Фирефох, Браве ва Microsoft Edge браузерлари фойдаланувчилари 7 гигабайтгача хотира сарфламоқда. Бу муаммо видеоларнинг қотиб қолиши ва тугмаларнинг мантиқий текширилиши билан боғлиқ. Мозилла дастурчилари муаммони ўрганмоқда, аммо Google ва YouTube ҳозирча расмий изоҳ бермаган.
Фирефох, Браве ва Microsoft Edge фойдаланувчилари YouTube платформасида жиддий муаммоларга дуч келмоқда. Видеолар қотиб қолиши ва браузер битта ойна учун 7 гигабайтгача тезкор хотира сарфлаши кузатилди. Бу ҳақда Ixbt.com хабар беради.
Дастлаб бу ҳолат реклама блокерларига қарши кураш билан боғланган эди. Бироқ муаммо турли платформаларда ҳам қайд этилди.
Бугзилла Мозилла маълумотларига кўра, хатолик видео остидаги тугмалар мантиқида яширинган.
Тизим "Ёқди", "Улашиш" каби тугмаларнинг экранга сиғишини текширади. Жой етишмаса, битта тугма яширилади.
Шундан сўнг контейнер ўлчами ўзгариб, тугма яна пайдо бўлади ва бу жараён чексиз такрорланади.
Айнан шу чексиз ҳисоб-китоблар процессор ва хотирага юқори юклама беради. Ҳозирда Мозилла дастурчилари муаммони ўрганмоқда, аммо Google ва YouTube ҳозирча расмий изоҳ бермади.
Изоҳлар 0
…