Сунъий интеллект инфратузилмасини яратувчи компаниялар бозорда катта муваффақиятга эришди. Бироқ сўнгги маълумотлар соҳа ичида хавотир ортиб бораётганини кўрсатмоқда. Бу ҳақда Ixbt.com хабар беради.
Nvidia, Палантир ва Броадcом каби йирик ўйинчиларнинг топ-менежерлари ўз акцияларини фаол равишда сотишни бошлади. Ўтган 12 ой ичида улар жами 4,6 миллиард долларлик акцияларни сотиб юборди.
Хусусан, Nvidia раҳбарлари 2,4 миллиард, Броадcом 1,14 миллиард ва Палантир 1 миллиард долларлик акцияларини сотган. Шу билан бирга, улар томонидан деярли янги акциялар харид қилинмаган.
Мутахассисларнинг таъкидлашича, акцияларни сотиш ҳар доим ҳам салбий ҳолат эмас. Аммо раҳбарларнинг ўз компанияси акцияларини сотиб олмаслиги келажакдаги ўсишга ишонч йўқлигидан далолат беради.
Ҳозирги вақтда сунъий интеллект бозори энг истиқболли йўналишлардан бири бўлиб қолмоқда. Бироқ бозор иштирокчиларининг ҳаракатлари инвесторларни эҳтиёткор бўлишга чақирмоқда.
“Zamin”ни Telegram'да ўқинг!
