АҚШ Қимматли қоғозлар ва биржалар комиссиясига тақдим этилган янги ҳисоботларга кўра, Volkswagen компанияси Амазонъни ортда қолдириб, Ривианънинг энг йирик акциядорига айланди. Volkswagen Групънинг Ривианъдаги улуши икки йилдан камроқ вақт ичида 8,6 фоиздан 15,9 фоизга кўтарилди. Бу ўзгариш электр транспорт воситалари ишлаб чиқарувчи стартап билан тузилган қўшма корхона доирасидаги ҳамкорлик билан боғлиқ. Бу ҳақда Techcrunch.com хабар беради.
2024-йил ноябрида ташкил этилган Ривиан анд Volkswagen Груп Течнологиес қўшма корхонаси электр архитектураси ва дастурий таъминотни ишлаб чиқишга қаратилган. Volkswagen ушбу лойиҳага жами 5,8 миллиард доллар сармоя киритиш мажбуриятини олган. Компания аллақачон бир неча босқичда маблағ ажратди, жумладан, ВW ИД.ЭВEРЙ1 моделининг қишки синовлари якунлангач, Ривиан яна 1 миллиард доллар сармоя олди.
Ҳозирги вақтда Volkswagen Груп Ривианънинг 209,7 миллион дона акциясига эгалик қилмоқда. Амазон эса 12,28 фоиз улуш билан иккинчи ўринга тушди. Амазон 2019-йилда Ривианънинг дастлабки инвесторларидан бири бўлган ва компанияга 100 мингта электр юк машинаси учун буюртма берган эди.
Ривиан учун бу ҳамкорлик жуда муҳим паллада юз берди, чунки компания Р2 моделини ишлаб чиқариш ва тадқиқот ҳамда ишланмаларга (Р&Д) катта маблағ сарфламоқда. Ривиан 2025-йилда тадқиқотлар учун 1,7 миллиард доллар ажратди. Келажакда ушбу қўшма корхона бошқа технологик лицензиялаш битимларига йўл очиши мумкин, гарчи сунъий интеллект ва автоном бошқарув тизимлари бу ҳамкорлик доирасидан ташқарида қолган бўлса ҳам.
