Ride1Up Revv1 Evo: дунёдаги илк ярим қаттиқ ҳолатдаги батареяли электросипед
Ride1Up компанияси дунёда илк бор ярим қаттиқ ҳолатдаги аккумулятор билан жиҳозланган Revv1 Эво электросипедини тақдим этди. Сиғими 1 кВт·соат бўлган батарея сипедга бир марта қувватланиш билан 100 км масофани босиб ўтиш имконини беради ва 1200 дан ортиқ сиклга мўлжалланган. Модел 750 ваттли Бафанг двигатели билан жиҳозланган бўлиб, унинг максимал тезлиги соатига 45 км ни ташкил қилади.
Ride1Up компанияси ўзининг янги Revv1 Evo электросипедини тақдим этди. Ишлаб чиқарувчилар ушбу моделни дунёда ярим қаттиқ ҳолатдаги (семи-солид-стате) аккумулятор билан жиҳозланган илк электросипед деб аташмоқда. 1 кВт·соат сиғимга эга батарея юқори автономия, узоқ хизмат муддати ва совуқ ҳароратларга чидамлиликни таъминлайди. Бу ҳақда Ixbt.com хабар беради.
Модел 750 ваттли Бафанг двигатели билан жиҳозланган бўлиб, 100 Н·м айланиш моментини тақдим этади ва максимал тезлиги соатига 45 км ни ташкил қилади. Ride1Up маълумотларига кўра, бир марта қувватланиш билан сипед 100 км масофани босиб ўта олади, тўлиқ қувватланиш эса тахминан 2 соат вақт олади.
Батарея 1200 дан ортиқ сиклга мўлжалланган бўлиб, ҳатто -20 °С ҳароратда ҳам ўз сиғимининг 70 фоизини сақлаб қолади. Конструкция 180 кг гача бўлган юкни кўтара оладиган мустаҳкам рамага эга. Шунингдек, сипед 20 дюймли ғилдираклар, тўрт поршенли гидравлик тормозлар ва ҲД-экран билан жиҳозланган.
Қурилманинг оғирлиги 40 кг атрофида бўлиб, унинг нархи 2400 долларни ташкил этади. Ҳозирда Ride1Up расмий сайтида олдиндан буюртма бериш имконияти мавжуд, етказиб бериш ишлари эса 2026-йилнинг август ойидан бошланиши режалаштирилган.
Изоҳлар 0
…