AMD томонидан сотиб олинган Сило AI компаниясининг собиқ раҳбари Петер Сарлин томонидан асос солинган Финландиянинг ҚуТwо сунъий интеллект лабораторияси 25 миллион евро миқдоридаги инвестиция жалб қилди. Натижада компаниянинг умумий қиймати 380 миллион долларга етди. Ушбу маблағ Европада сунъий интеллект ва квант ҳисоблаш технологияларига бўлган қизиқиш ортиб бораётганини кўрсатади. Бу ҳақда Techcrunch.com хабар беради.
ҚуТwо компаниясининг асосий маҳсулоти ҚуТwо ОС ҳисобланади. Бу тизим вазифаларни классик, квант ёки гибрид архитектуралар ўртасида тақсимловчи оркестрация қатлами вазифасини бажаради. Компания корпоратив мижозларга, хусусан, Заландо каби йирик чакана савдо тармоқларига сунъий интеллект ёрдамчиларини ишлаб чиқишда кўмаклашиб, аллақачон 23 миллион долларлик даромадга эга бўлган.
Петер Сарлин ҚуТwо компаниясини OpenAI каби тезкор ўсишга интиладиган лойиҳалардан фарқли ўлароқ, узоқ муддатли истиқболга мўлжалланган ташкилот сифатида кўради. Унинг сўзларига кўра, компания беш-ўн йиллик стратегия асосида ривожланади ва Европанинг технологик суверенитетини мустаҳкамлашга хизмат қилади.
Ҳозирги кунда Европа АҚШ технологик ечимларига муқобил сифатида маҳаллий инновацияларни қўллаб-қувватламоқда. ҚуТwо айнан автомобилсозлик, ҳаёт ҳақидаги фанлар ва ўйин саноати каби Европа кучли бўлган соҳаларда тадқиқот ва ишланмаларни жадаллаштиришни мақсад қилган.
“Zamin”ни Telegram'да ўқинг!
