Теcно компанияси Россия бозорида янги Теcно Spark 50 смартфони сотувга чиққанини эълон қилди. Ушбу ҳамёнбоп қурилма сунъий интеллект имкониятлари ва юқори сиғимли аккумулятори билан ажралиб туради. Ҳозирда фойдаланувчиларга 8 GB тезкор ва 256 GB ички хотирага эга модел 22 минг рублдан бошланадиган нархда таклиф этилмоқда. Бу ҳақда Ixbt.com хабар беради.
Смартфон 6,78 дюймли, 120 Гтс янгиланиш тезлигига эга ИПС дисплей билан жиҳозланган. Қурилма MediaTek Ҳелио Г81 процессори негизида ишлайди ва 50 мегапикселли асосий камерага эга. Унинг энг муҳим жиҳатларидан бири — 7000 мА·соат сиғимли аккумулятор бўлиб, у 10 Вт қувватдаги тескари симли қувватлашни ҳам қўллаб-қувватлайди.
Дастурий таъминот сифатида Android 16 базасидаги ҲiOS 16.2 тизими ўрнатилган. Тизимнинг марказий қисми бўлган Элла сунъий интеллект ёрдамчиси рус тилини тушунади. У интернетдан маълумот излаш, экрандаги контентни таҳлил қилиш, математик масалаларни ечиш ҳамда такси буюртма қилиш каби вазифаларни бажаришга қодир.
Шунингдек, ўрнатилган сунъий интеллект муҳаррири матнларни таҳрирлаш, хатоларни тузатиш ва мақолаларни қисқача баён қилиш имконини беради. Фотосуратлар билан ишлашда эса сунъий интеллект ёрдамида ортиқча объектларни олиб ташлаш ва тасвир сифатини ошириш мумкин. Қурилма ИП64 стандарти бўйича чанг ва намликдан ҳимояланган.
“Zamin”ни Telegram'да ўқинг!
