iQOO Z11 смартфони Хитойдан ташқари бозорларда сотувга чиқди. Қурилманинг 8/256 GB хотирага эга версияси 410 доллар, 12/256 GB ҳажмли варианти эса 560 доллар этиб белгиланди. Бу ҳақда Ixbt.com хабар беради.
Смартфон Qualcomm Snapdragon 7с Ген 4 платформасида ишлайди. Унинг энг эътиборли жиҳати 9020 мА/соат сиғимли аккумулятор бўлиб, у 90 Вт тезкор қувватлаш технологиясини қўллаб-қувватлайди.
Қурилма 6,83 дюймли АМОЛEД дисплей билан жиҳозланган бўлиб, у 2800 х 1260 пиксел аниқлигини ва 144 Гтс янгиланиш тезлигини тақдим этади. Асосий камера 50 MP ва 2 MP сенсорлардан иборат, олд камера эса 32 MP аниқлигида суратга олади.
Қурилманинг ўлчамлари 163,73 х 76,18 х 8,25 мм, оғирлиги эса 213 граммни ташкил этади. Қизиғи шундаки, ушбу моделда сув ва чангдан ҳимоя қилувчи ИП стандарти мавжуд эмас.
“Zamin”ни Telegram'да ўқинг!
