Хелсинки, Тбилиси ва Москва физиклари гуруҳи коинотимиз нима учун йўқ бўлиб кетмай, моддадан ташкил топганини тушунтирувчи янги математик моделни тақдим этди. Тадқиқотга кўра, Катта портлаш шунчаки кенгайиш эмас, балки фазо-вақтнинг иккига ажралиш жараёни бўлган. Натижада бизнинг коинотимиз ва вақт тескари оқадиган, заррачалари қарама-қарши хусусиятга эга бўлган ойна коинот вужудга келган. Бу ҳақда Ixbt.com хабар беради.
КПТ-симметрия қонунига кўра, табиат қонунлари заряд, фазо ва вақт ўзгарганда ҳам ўзгармас қолиши керак. Бироқ кузатиладиган оламда материя кўп, антиматерия эса деярли йўқ. Proфессор Масуд Чаичиан, Мераб Гогберашвили ва Маргарита Мнатсаканова коинотни ягона тизим эмас, балки симметрик жуфтликнинг бир қисми сифатида кўриб, бу мувозанатни математик жиҳатдан исботладилар.
Олимларнинг фикрича, Катта портлашнинг илк лаҳзаларида инфлятон заррачалари ўзининг антиподларига нисбатан бироз оғирроқ бўлган. Бу кичик масса фарқи материянинг антиматериядан кўпроқ ҳосил бўлишига олиб келди. Айнан шу ортиқча модда бугунги кунда биз кўриб турган галактикалар, юлдузлар ва атомларнинг асосини ташкил этади.
Ушбу назария Европа космик агентлигининг Планкк сунъий йўлдоши маълумотлари билан тўлиқ мос келади. Бундан ташқари, модел қоронғу материянинг табиатини ҳам тушунтириб беради: у айнан ойна коинотдаги заррачалардан иборат бўлиши мумкин. Коинотнинг тезлашиб кенгайиши эса икки олам ўртасидаги квант боғлиқлиги натижаси сифатида талқин қилинади.
“Zamin”ни Telegram'да ўқинг!
