Европа аэрокосмик саноатининг етакчилари — Франциянинг Дассаулт Авиатион ва Германиянинг ОҲБ компаниялари Вортех-С номли кўп мақсадли космик самолётни яратиш учун консорциум тузганликларини эълон қилишди. Европа космик агентлигига (ESA) тақдим этилган ушбу лойиҳа Европанинг орбитал ташувлар соҳасидаги технологик мустақиллигини таъминлашга қаратилган. Бу ҳақда Ixbt.com хабар беради.
Вортех-С космик станцияларга мунтазам қатновларни амалга ошириш ҳамда автоном илмий миссияларни бажариш имкониятига эга бўлади. Ҳамкорлик доирасида Дассаулт Авиатион космик кеманинг бош архитектори ва тизимли интегратори вазифасини бажарса, ОҲБ сервис модулини ишлаб чиқиш ва интеграция қилиш учун масъул бўлади.
Дассаулт Авиатион раҳбари Эрик Траппиер ушбу иттифоқ Европанинг космосдаги суверенитетини мустаҳкамлаш йўлидаги табиий қадам эканлигини таъкидлади. ОҲБ бош директори Марко Фучс эса Дассаулт компаниясининг Рафале қирувчи самолётларини яратишдаги тажрибаси ОҲБнинг сунъий йўлдош технологиялари бўйича экспертизаси билан мукаммал уйғунлашишини қайд этди.
Лойиҳанинг пойдевори Дассаулт Авиатионнинг аввалги Ҳермес дастури ва ИХВ (Интермедиате эХпериментал Веҳикле) экспериментал лойиҳаларидаги гипертовушли технологиялар ҳамда бошқарув тизимларига асосланади. Вортех-С очиқ ташаббус бўлиб, келгусида бошқа йирик Европа компанияларининг ҳам қўшилиши кутилмоқда.
Агар ESA лойиҳани маъқулласа, Вортех-С келгуси ўн йилликда Европанинг асосий транспорт тизимига айланади. Бу эса агентликнинг хорижий хизматларга бўлган қарамлигини камайтириб, паст Ер орбитасида биологик ва физик тажрибалар ўтказиш имкониятларини сезиларли даражада кенгайтиради.
“Zamin”ни Telegram'да ўқинг!
