Россия Арманистонга узоқ муддатли энергия хавфсизлигини таъминловчи AES лойиҳасини таклиф қилди
Россия Арманистонга мамлакатнинг энергия эҳтиёжларини бир аср давомида қоплай оладиган янги атом электр стансиясини қуриш лойиҳасини тақдим этди. Бу ҳақда Россия ТИВ расмий вакили Михаил Калугин маълум қилди. "Росатом" корпорацияси таклиф қилган мазкур лойиҳа амалга ошса, Арманистон электр энергияси тақчиллигидан қутулиб, арзон тарифлар ва саноат ривожига эришади.
Россия томони Арманистонга мамлакатнинг энергия эҳтиёжларини бир аср давомида тўлиқ қоплай оладиган қувватли атом электр станцияси (AES) қуриш лойиҳасини таклиф қилди. Бу ҳақда Россия ТИВ МДҲ мамлакатлари тўртинчи департаменти директори Михаил Калугин маълум қилди. Бу ҳақда Ixbt.com хабар беради.
«Росатом» давлат корпорацияси томонидан илгари сурилган ушбу лойиҳа амалга оширилса, Арманистон ўнлаб йиллар, ҳатто бир аср давомида электр энергияси тақчиллигидан холи бўлади. Мутахассисларнинг фикрича, мазкур станция истеъмолчилар учун арзон тарифларни таъминлаб, мамлакат саноатининг жадал ривожланишига кучли туртки бериши мумкин.
Калугин Россия атом технологиялари соҳасида глобал етакчи сифатида Арманистон билан ўз тажрибаси ва ишланмаларини, шунингдек, энергетикани рақамлаштириш бўйича технологияларни бўлишишга тайёрлигини таъкидлади. Россия томони Ереванни ўзаро манфаатли ҳамкорликка чақирмоқда.
Россия дипломатининг сўзларига кўра, бундай ҳамкорлик модели икки давлат иштирок этаётган Евроосиё иқтисодий иттифоқи (ЕОИИ), МДҲ ва КХШТ каби ташкилотлар доирасидаги ўзаро муносабатларнинг асосий тамойилидир.
Изоҳлар 0
…