Samsung Galaxy S26 учун One UI 9.0 бета-тестининг иккинчи босқичи бошланади

Samsung компанияси Galaxy S26 туркумидаги смартфонлар учун One UI 9.0 бета-дастурининг навбатдаги босқичи қачон бошланишини маълум қилди. Унга кўра, Ҳиндистон ва Полшадаги фойдаланувчилар ушбу янгиланишни синаб кўриш имкониятига 26-май санасидан бошлаб эга бўлишади. Бу ҳақда Ixbt.com хабар беради.

Аввалроқ компания дастурнинг илк тўлқини АҚШ, Буюк Британия, Германия ва Жанубий Корея бозорлари учун очилганини эълон қилган эди. Samsung анъанавий тарзда дастлабки синовларни чекланган ҳудудларда ўтказиб, фойдаланувчилардан келиб тушган фикр-мулоҳазаларни таҳлил қилгач, қамровни кенгайтириш стратегиясига амал қилади.

Янги One UI 9.0 интерфейси Android 17 операцион тизимига асосланган бўлиб, у фойдаланувчиларга янада бойроқ созлаш имкониятларини тақдим этади. Шунингдек, тизимда Galaxy AI функцияларининг янги авлоди ва интерфейс дизайнидаги муҳим ўзгаришлар ўрин олган.

Galaxy S26, S26+ ҳамда S26 Ultra эгалари ушбу янгиланиш орқали смартфон имкониятларини янада самаралироқ бошқаришлари мумкин бўлади. Компания келгусида бета-тестда иштирок этувчи мамлакатлар рўйхатини босқичма-босқич ошириб боришни режалаштирган.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг