Samsung One UI 9 тизимида номаълум манбалардан ўрнатилган иловаларни назорат қилишни кучайтирмоқда
Samsung компанияси One UI 9 бета-версиясида хавфсизликни сезиларли даражада оширувчи янги функцияни тақдим этди. "Манаге Ункновн Аппс" деб номланган ушбу бўлим фойдаланувчиларга расмий дўконлардан ташқари, яни АПК-файллар ёки учинчи томон платформалари орқали ўрнатилган барча иловаларни бир жойда кўриш имконини беради. Бу ҳақда Ixbt.com хабар беради.
Илгари фойдаланувчилар бундай дастурларни умумий рўйхатдан қўлда қидиришга мажбур бўлишган, бу эса кўп сонли иловалар бўлган тақдирда ноқулайлик туғдирарди. Эндиликда тизим барча шубҳали ёки номаълум манбалардан келган дастурларни алоҳида панелда жамлайди, бу эса уларни тезда текшириш ва кераксизларини ўчиришни осонлаштиради.
Янги функциядан ташқари, One UI 9 тизимида хавфсизликнинг бошқа механизмлари ҳам такомиллаштирилмоқда. Эндиликда смартфон шубҳали иловалар ҳақида огоҳлантиришлар беради, уларни ўрнатиш ёки ишга туширишни блоклайди ҳамда хавфсизлик сиёсати янгиланишлари орқали уларни ўчиришни тавсия қилади.
Шунингдек, Samsung ўзининг "Ауто Блоккер" функциясини ҳам янгилади. Хусусан, максимал ҳимоя режимида USB орқали уланишларни тўлиқ тақиқлаш имконияти қайтарилди, бу эса қурилмани жисмоний хавфлардан ҳимоя қилишда муҳим қадам ҳисобланади.
“Zamin”ни Telegram'да ўқинг!
