Хосла Вентурес Иан Кросбйнинг янги сунъий интеллект лойиҳасига 10 миллион доллар тикди
Бенч Аккоунтинг компаниясининг собиқ раҳбари Иан Кросбй инсон аралашувисиз молиявий ҳисоботларни шакллантирувчи Сйнтетик номли янги автоном сунъий интеллект бухгалтери лойиҳасини бошлади. Ҳали лойиҳалаш босқичида турган ушбу стартап Хосла Вентурес бошчилигида 10 миллион доллар сармоя жалб қилишга муваффақ бўлди. Молиялаштириш раундида Басис Сет Вентурес ва Shopify бош директори Тобиас Лютке ҳам иштирок етди.
Бенч Аккоунтинг компаниясининг собиқ раҳбари Иан Кросбй бухгалтерия ҳисобини автоматлаштириш соҳасига қайтмоқда. Унинг янги Сйнтҳетик стартапи инсон аралашувисиз молиявий ҳисоботларни шакллантира оладиган тўлиқ автоном сунъий интеллект бухгалтерини яратишни мақсад қилган. Бу ҳақда Techcrunch.com хабар беради.
Маҳсулот ҳали лойиҳалаш босқичида бўлишига ва технологик имкониятлар борасида саволлар туғдиришига қарамай, стартап 10 миллион доллар сармоя жалб қилди. Молиялаштириш раундига Хосла Вентурес бошчилик қилди, шунингдек, Басис Сет Вентурес ва Shopify бош директори Тобиас Лютке ҳам лойиҳага сармоя киритди.
Хосла Вентурес ҳамкори Жон Чу ушбу қарорни изоҳлар экан, кўпинча баҳсли вазиятларда ҳақиқат жамоавий фикрлаш соясида қолиб кетишини таъкидлади. У Паркер Конраднинг Зенефитсдан кетиши ва кейинчалик Рипплинғни муваффақиятли йўлга қўйганини мисол қилиб келтирди.
Иан Кросбй 2021-йилда Бенч директорлар кенгаши томонидан ишдан бўшатилган эди. Ўша вақтда у Брехдан келган 250 миллион долларлик харид таклифини рад этган ва компания молиявий қийинчиликларга юз тутган эди. Бироқ, инвесторлар Кросбйнинг ўтмишдаги хатоларидан сабоқ олганига ва унинг янги ғояси истиқболли эканига ишонч билдирмоқда.
Изоҳлар 0
…