Москва авиация институти мутахассислари кичик лабораториялар, талабалар лойиҳалари ва стартаплар учун мўлжалланган бюджетли босма платалар ишлаб чиқариш қурилмасини тақдим этди. Ушбу лойиҳа саноат даражасидаги қимматбаҳо ускуналарни сотиб олиш иқтисодий жиҳатдан самарасиз бўлган ҳолатлар учун махсус ишлаб чиқилган. Бу ҳақда Ixbt.com хабар беради.
Анъанавий фотолитография жараёни қиммат фотошаблонларни талаб қилади ва дизайнга тезкор ўзгартириш киритиш имконини бермайди. Янги қурилма эса суюқ кристалли матрица ва рақамли коррекция тизимидан фойдаланади. Дастурий таъминот реал вақт режимида материалдаги микро-деформацияларни компенсация қилиб, экспозиция аниқлигини сезиларли даражада оширади.
Қурилманинг асосий афзаллиги — маҳаллий ва ҳамкор давлатлардан олинган арзон бутловчи қисмлардан фойдаланишдир. Бу ёндашув ускуна таннархини саноат аналогларига нисбатан 20–30 баробар арзонлаштиришга имкон берди. Якуний фойдаланувчи учун қурилманинг нархи 300 мингдан 500 минг рублгача баҳоланмоқда.
Ҳозирги кунда лойиҳанинг ишчи прототипи тайёр бўлиб, у бир қаватли ва икки қаватли платаларни экспозициялаш бўйича барча синовлардан муваффақиятли ўтди. Мутахассисларнинг фикрича, ушбу қурилма кўплаб муҳандислик ва тадқиқот вазифаларини бажариш учун етарли даражада самарали ҳисобланади.
“Zamin”ни Telegram'да ўқинг!
