АҚШнинг Калиф компанияси тадқиқотчилари Anthropic Claude Мйтҳос нейротармоғи ёрдамида МакОС тизимининг ҳимоя қатламини четлаб ўтишнинг янги усулини топганликларини маълум қилишди. Мутахассислар икки хил заифлик ва қўшимча техникаларни бирлаштириб, Мак хотирасидаги одатда фойдаланувчи ёки иловалар учун ёпиқ бўлган қисмларга киришга муваффақ бўлишди. Бу ҳақда Ixbt.com хабар беради.
Ушбу ҳужум тури "имтиёзларни ошириш" (привилеге эскалатион) деб аталади. Гарчи бу усул қурилмани тўлиқ назорат қилиш учун етарли бўлмаса-да, бошқа заифликлар билан биргаликда тизимни бутунлай эгаллаб олиш хавфини туғдиради. Claude Мйтҳос ёрдамида Apple томонидан "беш йиллик муҳандислик ютуғи" деб таърифланган Меморй Интегритй Энфорцемент (МИE) технологиясини четлаб ўтишга эришилди.
Калиф компанияси вакилларининг сўзларига кўра, ушбу эксплуатация кодини яратиш учун атиги беш кун вақт сарфланган. Бироқ, улар сунъий интеллект барча ишни ўзи бажармаганини, муваффақият учун киберхавфсизлик бўйича мутахассисларнинг тажрибаси ҳам муҳим рол ўйнаганини таъкидлашди.
Apple компанияси ушбу хабар юзасидан текширув бошлаганини ва хавфсизлик масалалари улар учун устувор эканлигини билдирди. Калиф эса Apple компанияси аниқланган камчиликларни бартараф этганидан сўнг, ҳужумнинг техник тафсилотларини тўлиқ ошкор қилишни режалаштирмоқда.
“Zamin”ни Telegram'да ўқинг!
