SpaceX компанияси Starship парвозига тайёргарликни жадаллаштирмоқда. Шип 39 прототипи Массейъс майдончасига қайтарилгач, мутахассислар уни ёқилғи билан тўлдириш ва бўшатиш бўйича навбатдаги муҳим синовларни ўтказишди. Кузатувчиларнинг фикрича, бу Booster 19 ракетасини старт майдончасига қайтаришдан олдинги сўнгги босқичлардан бири ҳисобланади. Бу ҳақда Ixbt.com хабар беради.
Шу билан бирга, Старбасе ҳудудидаги Пад 2 инфратузилмаси ҳам қаттиқ назоратдан ўтказилмоқда. Сўнгги икки кун ичида SpaceX сув билан совутиш ва зарба тўлқинини бостириш тизимини тўртинчи бор тўлиқ қувватда синаб кўрди. Кечки пайт ўтказилган синовлар чоғида старт мажмуасидан отилиб чиққан улкан сув оқимлари ҳақиқий «шаршара»ни эслатди.
Фlight 12 парвози 20-май санасига белгиланиши мумкин. Мазкур миссия янги авлод Raptor 3 двигателлари билан жиҳозланган Starship учун илк синов бўлади. Raptor 2 билан солиштирганда, янги двигателлар юқори тортиш кучи, самарадорлик ва енгил вазнга эга. Шунингдек, улар ташқи иссиқлик ҳимоясига муҳтож эмас ва ишлаб чиқаришда тўрт баробар арзонроқ тушади.
Starship — бу SpaceX компанияси томонидан ишлаб чиқилаётган тўлиқ қайта фойдаланиш мумкин бўлган ўта оғир ракета тизими. У юклар ва одамларни Ер орбитаси, Ой ҳамда Марсга етказиш учун мўлжалланган. Илон Маскнинг таъкидлашича, келажакдаги Starship В4 версияси янада кучлироқ бўлиб, старт вақтида 10 000 тоннагача тортиш кучини таъминлаши режалаштирилган.
“Zamin”ни Telegram'да ўқинг!
