Huawei компанияси ўзининг HarmonyOS операцион тизими бўйича улкан мақсадларни кўзламоқда. Компания раҳбарияти 2026-йил якунига қадар ушбу тизим ўрнатилган қурилмалар сони 100 миллионлик маррадан ошиб кетишига қатъий ишонч билдирмоқда. Бу ҳақда Ixbt.com хабар беради.
Huawei истеъмолчи маҳсулотлари бўлими бош директори Хе Гангнинг таъкидлашича, HarmonyOS 6 экотизими нафақат белгиланган режани бажаради, балки уни ортиғи билан амалга оширади. Ҳозирги кунда тизим аллақачон 60 миллиондан ортиқ қурилмада муваффақиятли ишламоқда.
Компания сунъий интеллект даврида инновацион тажрибаларни тақдим этиш орқали Android ва iOS тизимларига жиддий рақобат туғдиришни мақсад қилган. Huawei ўз операцион тизими билан бозорнинг учдан бир қисмини эгаллашни режалаштирмоқда.
Гарчи олдинда қийинчиликлар бўлса-да, Huawei ҳамкорлар билан биргаликда HarmonyOS платформасини янада ривожлантиришга тайёр. Технологик гигант ўз экотизимини глобал миқёсда кенгайтириш учун барча имкониятларни ишга солмоқда.
“Zamin”ни Telegram'да ўқинг!
