Битирув маросимлари мавсуми бошланди ва бу йилги маърузачилар талабаларни сунъий интеллект (AI) билан боғлиқ келажак ҳақида руҳлантириш қанчалик қийинлигини англаб етишди. Масалан, Тавистокк Девелопмент Компани вакили Глориа Каулфиелд Марказий Флорида университетидаги нутқи давомида сунъий интеллектни "навбатдаги саноат инқилоби" деб атаганида, талабалар уни ҳуштакбозлик билан кутиб олишди. Бу ҳақда Techcrunch.com хабар беради.
Google компаниясининг собиқ бош директори Эрик Счмидт ҳам Аризона университетидаги чиқиши чоғида шунга ўхшаш ҳолатга дуч келди. У талабаларга сунъий интеллектни шакллантиришда иштирок этишлари кераклигини айтганида, аудитория норозилик билдирди. Счмидт ўз нутқини давом эттиришга уриниб, талабаларни "ракетага ўтиришга" чақирди, аммо унинг сўзлари олқишлар билан эмас, балки кескин қаршилик билан кутиб олинди.
Бироқ, барча университетларда ҳам вазият бир хил эмас. NVIDIA бош директори Женсен Ҳуанг Карнегие Меллон университетида нутқ сўзлаганида, сунъий интеллект ҳисоблаш технологияларини қайта кашф этгани ҳақидаги фикрлари аудитория томонидан хотиржам қабул қилинди. Шунга қарамай, ёшлар ўртасидаги пессимистик кайфият кучайиб бормоқда.
Галлуп сўровига кўра, 15 ёшдан 34 ёшгача бўлган америкаликларнинг атиги 43 фоизи ҳозирги вақтда иш топиш учун қулай давр деб ҳисоблайди. Бу кўрсаткич 2022-йилда 75 фоизни ташкил этган эди. Кўплаб талабалар учун сунъий интеллект шунчаки технологик ютуқ эмас, балки "ўта шафқатсиз капитализмнинг янги қиёфаси" сифатида қабул қилинмоқда.
“Zamin”ни Telegram'да ўқинг!
