Хитой орбитага навбатдаги 18 та интернет-йўлдошини муваффақиятли чиқарди

Хитой ўзининг глобал интернет-инфратузилмасини кенгайтириш доирасида навбатдаги қадамни ташлади. СпасеСаил (Қианфан) лойиҳаси доирасида 18 та янги сунъий йўлдош муваффақиятли тарзда космосга учирилди. Бу ҳақда Ixbt.com хабар беради.

Ушбу миссия Венчан космодромидан Лонг Марч-8 (Чангженг-8) ракетаси ёрдамида амалга оширилди. Мазкур йўлдошлар Ку, Қ ва В диапазонларида ишлайди ва Шангҳаи Спасесаил Течнологиес компанияси томонидан Шанхай ҳукумати кўмагида ишлаб чиқилган.

Режага кўра, 2030-йил охирига қадар мазкур тизим таркибидаги йўлдошлар сони 15 мингтагача етказилиши кўзда тутилган. Бу лойиҳа Хитойнинг глобал миқёсда интернет билан таъминлаш имкониятларини сезиларли даражада оширади.

Лонг Марч-8 ракетаси ўзининг олтинчи парвозини амалга оширди. Ушбу янги авлод ташувчиси паст орбитага 7,6 тоннагача юкни олиб чиқа олади. Бугунги парвоз Чангженг ракеталар оиласи учун тарихий 643-чи муваффақиятли миссия бўлди.

Abror Shuhratov

«ZAMIN.UZ» муҳаррири

+ Zamin.uz сайтини Googleга қўшинг