Xiaomi компанияси ўзининг янги Mijia Side-by-Side 561L музлаткичи сотувга чиққанини эълон қилди. Қурилманинг бошланғич нархи 1899 юан (тахминан 280 доллар) этиб белгиланган бўлса, давлат субсидиялари билан уни 1614 юанга (240 доллар) харид қилиш мумкин. Бу ҳақда Ixbt.com хабар беради.
Музлаткичнинг умумий ҳажми 561 литрни ташкил этади: шундан 351 литри совутиш камераси, 210 литри эса музлатиш қисмига ажратилган. Ички макон 18 та сақлаш зонаси, икки қаторли кенг эшик жавонлари ва баландлиги созланадиган шиша токчалар билан жиҳозланган. Эшиклар 90 даражага очилиши туфайли қурилмани деворга яқин ёки бурчакларга қулай жойлаштириш имконияти мавжуд.
Техник жиҳатдан Xiaomi Mijia Side-by-Side 561L кумуш ионли модуллар билан жиҳозланган бўлиб, бу антибактериал ҳимоя ва ёқиmsиз ҳидларни йўқотишни таъминлайди. Шунингдек, 360 даражали ҳаво айланиш тизими, инверторли компрессор ва вентилятор ҳамда ҳарорат тебранишларини назорат қилувчи 4 та датчик ўрнатилган.
Смарт қурилма сифатида у Mijia экотизимига тўлиқ интеграция қилинган. Фойдаланувчилар ҳароратни сенсорли панел, мобил илова ёки Хиао AI овозли ёрдамчиси орқали масофадан бошқаришлари мумкин. Шу билан бирга, компания янада каттароқ ҳажмли Mijia Рефригератор Pro Фолио 620Л моделини ҳам 370 доллар нархда намойиш этди.
“Zamin”ни Telegram'да ўқинг!
