«Касперскй лабораторияси» мутахассислари Google АппШеет платформасидан фойдаланган ҳолда амалга оширилаётган янги фирибгарлик схемасини аниқлашди. Жиноятчилар йирик компаниялар номидан ниқобланиб, фойдаланувчиларга жозибадор иш таклифлари битилган хатларни оммавий равишда жўнатмоқда. Бу ҳақда Ixbt.com хабар беради.
Фойдаланувчилар нореплй@appsheet.com расмий сервис манзили орқали хат олишади ва улардан шахсий маълумотларини тақдим этиш сўралади. Google АппШеет платформасининг имкониятлари фирибгарларга спам-фильтрларни четлаб ўтишга ва фойдаланувчилар ишончини қозонишга ёрдам бермоқда.
Баъзи ҳолатларда фирибгарлар фишинг ҳаволаларидан ҳам фойдаланмай, шунчаки жавоб хати ёзишни сўраш билан чекланишмоқда. АппШеет нафақат электрон почта, балки СМС хабарлар юбориш имконини ҳам бериши киберҳужумлар кўламини янада кенгайтирмоқда.
«Касперскй лабораторияси» катта спам-таҳлилчиси Анна Лазаричева ҳатто ишончли манзиллардан келган хабарларни ҳам диққат билан текширишни тавсия қилади. Кутилмаган иш таклифлари ва шахсий маълумотлар сўралган хабарларга нисбатан доимо эҳтиёткор бўлиш зарур.
“Zamin”ни Telegram'да ўқинг!
