Россия бозорида Honor 600 смартфонлар сериясининг расмий савдоси йўлга қўйилди. Янги қурилмалар йирик электроника дўконлари ва маркетплейсларда, жумладан ДНС, М.Видео, Ozon ва Yandex Market каби платформаларда сотувга чиқди. Линейка уч хил рангда — тўқ сариқ, оч жигарранг ва қора рангларда тақдим этилган. Бу ҳақда Ixbt.com хабар беради.
Нархларга тўхталадиган бўлсак, базавий Honor 600 моделининг 8/256 GB талқини 46 минг рубл, 12/256 GB варианти эса 50 минг рубл этиб белгиланган. Honor 600 Pro модели эса хотира ҳажмига қараб 71 мингдан 80 минг рублгача баҳоланмоқда. 30-июнга қадар харидорлар учун моделга қараб 5 000 дан 6 000 рублгача чегирмалар амал қилади.
Техник жиҳатдан қурилмалар Qualcomm чиплари билан жиҳозланган: Honor 600 моделида Snapdragon 7 Ген 4, Pro версияда эса Snapdragon 8 Элите процессори ўрнатилган. Асосий камера 200 мегапикселли датчикка эга. Pro талқинида қўшимча равишда 3,5х оптик зумли 50 MP перископ модул ҳам мавжуд.
Смартфонларнинг аккумулятор сиғими 7000 мА/соатни ташкил этиб, 80 В қувватли симли зарядлашни қўллаб-қувватлайди. Honor 600 Pro модели қўшимча равишда 50 В қувватли сиmsиз зарядлаш функциясига ҳам эга. Ҳар иккала модел IP69К стандарти бўйича ҳимояланган ва 8000 нит ёрқинликка эга 120 Hz частотали экранлар билан таъминланган.
“Zamin”ни Telegram'да ўқинг!
