Ростех таркибига кирувчи “ОДК-Сервис” корхонаси авиация двигателларини таъмирлаш ва бутловчи қисмлар тайёрлашнинг янги усулларини фаол ривожлантирмоқда. Жорий йилда деталлар ва йиғув бўлинмаларини тиклаш бўйича ихтисослаштирилган марказда 11 та янги технологик жараённи жорий этиш режалаштирилган. Бу ҳақда Ixbt.com хабар беради.
Ушбу марказ ОДК маҳсулотларига хизмат кўрсатиш ва уларни таъмирлашга бўлган эҳтиёжни таъминлайди. Шу билан бирга, авиация ҳамда ер усти газ турбинали двигателларини таъмирлаш тизими янада такомиллаштирилади. Бу эса техник хизмат кўрсатиш сифатини янги босқичга олиб чиқади.
Жорий этилаётган технологиялар қаторидан электрон-нурли пайвандлаш, лазер-кукунли қоплама бериш, электроэрозион кесиш, парракларнинг геометрик назорати ва металлографик тадқиқотлар ўрин олган. Ушбу усуллар двигателларнинг ишлаш муддатини узайтиришга хизмат қилади.
Бундан ташқари, корхонада турли буюмлар ва заготовкаларни ишлаб чиқаришни арзонлаштириш ҳамда тезлаштириш имконини берувчи аддитив технологиялар ўзлаштирилмоқда. Ҳозирда тўрт хил турдаги ва рангдаги пластик билан чоп эта оладиган янги 3D-принтер ишга туширилган.
“Zamin”ни Telegram'да ўқинг!
