Reddit форумининг Ок_Стюдй_592 никли фойдаланувчиси Google компаниясининг расмий сервис маркази билан боғлиқ муаммоли вазият ҳақида сўзлаб берди. У ўзининг Pixel 9 Pro смартфонини экрандаги вертикал яшил чизиқлар — маълум бир завод нуқсони сабабли таъмирлашга юборган эди. Бу ҳақда Ixbt.com хабар беради.
Ушбу нуқсон Google томонидан расман тан олинган ва у кенгайтирилган кафолат дастури (Эхтендед Репаир Proграм) доирасига киради. Бироқ, сервис маркази кутилмаганда смартфонни бепул таъмирлашдан бош тортди. Қурилма эгасининг таъкидлашича, телефонда ҳеч қандай зарба, сув тушиши ёки бошқа ташқи шикастланиш аломатлари мавжуд эмас.
Диагностика натижаларига кўра, Google фойдаланувчига 489 доллар миқдорида ҳисоб-фактура юборган. Қизиғи шундаки, тизим носозликни дисплей дефекти сифатида эмас, балки телефон қўнғироқлари билан боғлиқ муаммо деб нотўғри таснифлаган. Фойдаланувчи қўллаб-қувватлаш хизматига мурожаат қилган бўлса-да, ҳозирча қарорни қайта кўриб чиқишга эриша олмади.
Вазиятни янада мураккаблаштираётган жиҳати шундаки, мижоз таъмирлаш пулини тўламагунча ёки низони бошқа йўл билан ҳал қилмагунча, Google смартфонни эгасига қайтариб бермаяпти. Фойдаланувчи ушбу ҳолат юзасидан АҚШнинг истеъмолчилар ҳуқуқларини ҳимоя қилиш ташкилотларига мурожаат қилишини маълум қилди.
Ушбу воқеа Google сервис хизматининг иши бўйича навбатдаги шикоятларга сабаб бўлди. Кўплаб фойдаланувчилар ҳатто кафолат доирасидаги ҳолатларда ҳам сервис марказлари билан узоқ давом этадиган ва асабий жараёнларга дуч келаётганликларини билдиришмоқда.
“Zamin”ни Telegram'да ўқинг!
