Хитой ўзининг Ой дастурини кенг кўламли қайта ташкил этишни бошлади. Пекин 2030-йилдан кечиктирмай тайконавтларни Ой сиртига қўндириш мақсадида барча ресурсларни сафарбар этишини маълум қилди. Бу ҳақда Хитой бошқариладиган космик парвозлар агентлиги (КМСА) матбуот котиби Чжан Цзиньбо “Шенжоу-23” кемаси учирилиши арафасида ўтказилган чиқишида таъкидлаб ўтди. Бу ҳақда Ixbt.com хабар беради.
Асосий ўзгариш илгари тарқоқ бўлган йўналишларни ягона интеграциялашган дастурга бирлаштиришдан иборат. Эндиликда бошқариладиган Ой дастури, “Чанғэ” сериясидаги автоматик миссиялар ва “Тиангонг” орбитал станциясидаги тадқиқотлар ягона давлат режаси доирасида ривожлантирилади. Бу лойиҳалар ўртасида технологиялар алмашинувини тезлаштириш ва синов муддатларини қисқартириш имконини беради.
Дастурнинг асосий элементлари сифатида “Чангженг-10” ўта оғир ракетаси, “Менгжоу” бошқариладиган кемаси ва “Ланюе” Ойга қўниш модули кўрсатилган. Ҳозирда синов жараёнлари қизғин давом этмоқда: 2025-йилда “Чангженг-10” ракетасининг биринчи босқичи оловли синовлардан ўтказилди ва қўниш тизимлари текширилди.
Шу билан бирга, учувчисиз миссиялар ҳам тўхтаб қолгани йўқ. Жорий йилнинг ўзида Ойнинг жанубий қутбига сув музларини қидириш учун “Чанғэ-7” автоматик станцияси ва луноход юборилиши режалаштирилган. Хитой ушбу қадамлар орқали коинотни ўзлаштириш пойгасида етакчиликни қўлга киритишни кўзламоқда.
“Zamin”ни Telegram'да ўқинг!
