Роскосмос Ердан 1360 ёруғлик йили узоқликдаги юлдуз ўлими изларини кўрсатди

Роскосмос коинотдаги энг машҳур обектлардан бири ва инсоният томонидан кашф этилган биринчи планетар туманлик — Гантел туманлигининг янги суратини эълон қилди. Ушбу обект 1764-йилда француз астрономи Шарл Мессе томонидан кашф этилган бўлиб, у астрономия тарихида муҳим ўрин тутади. Бу ҳақда Ixbt.com хабар беради.

Туманлик Ердан тахминан 1360 ёруғлик йили узоқликда, Тулки (Вулпекула) туркумида жойлашган. Ўзининг ўзига хос шакли туфайли у спорт анжоми — гантелни эслатади ва айнан шу сабабли шундай ном олган. Аслида эса бу ўлаётган юлдуз ўзининг ташқи қобиқларини улоқтириб юборганидан кейин ҳосил бўлган улкан қайноқ газ булутидир.

Бундай обектлар олимлар учун алоҳида қизиқиш уйғотади, чунки улар Қуёшга ўхшаш юлдузлар ҳаётининг сўнгги босқичларидан бирини кузатиш имконини беради. Вақт ўтиши билан бундай туманликларнинг марказий юлдузи оқ митти юлдузга айланади.

Тақдим этилган тасвир ТАЛЬ-200К телескопи ёрдамида олинган. Батафсил ва тиниқ суратни яратиш учун умумий экспонирлаш вақти қарийб 10 соатни ташкил этган бир қатор кадрлар сериясидан фойдаланилган.

Abror Shuhratov

«ZAMIN.UZ» муҳаррири

+ Zamin.uz сайтини Googleга қўшинг