Google 3 та янги смартфон чиқармоқчи

Android Open Source лойиҳаси иштирокчилари Google бирданига учта янги Pixel смартфонларини чиқармоқчи эканини аниқлашди.

Pixel иккинчи авлод смартфонлари Walleye, Muskie ва Taimen деган номларни олади. Тахминларга кўра, Walleye Pixel XL қурилмасининг янгиланган нусхаси бўлса, Muskie учун эса оддий Pixel асос қилиб олинди.

Шу билан бирга, Taimen номи остида қандай қурилма бор экани ҳозирча номаълум. PhoneArena ресурсининг фикрича, бу Pixel XL’дан ҳам катта дисплейга эга бўлган фаблет ёки планшет ҳам бўлиши мумкин.

Бундан ташқари, маълум бўлишича, уч қурилманинг барчаси Samsung Galaxy S8 ва S8+’га ўрнатиладиган Qualcomm Snapdragon 835 чипсети негизида ишлайди.

Эслатиб ўтамиз, аввалроқ Google Pixel’нинг фақатгина иккита янги моделини чиқариш ниятида экани ҳақида хабарлар тарқаганди. «Замин»ни Telegram’да ўқинг!