Ал-Қудсдаги Яҳудий университети олимлари оқсил, углевод ва ёғлар ҳамда наноцеллюлозани диабетиклар, спортчилар ва вегетарианлар учун хавфсиз ва тўйимли озиқ-овқат маҳсулотларига айлантирувчи 3D-принтерни яратишди, деб ёзади Кун нашри.
Олимлар Одеда Шосейова ва Идо Браславски яратган принтер ҳозирча фақатгина хамирни босишни билади, бироқ турфа хил егуликларни босиш салоҳиятига эга.
Бундай босма учун олимлар калорияларни сақламайдиган натурал тола – наноцеллюлозани яратишди. Улар бу моддани бир неча йил давомида ўрганиб, инсоннинг овқат ҳазм қилиш тракти уни ҳазм қила олиши ҳақидаги хулосага келишган. Олимлар бу моддани оқсил, углевод, ёғлар, антиоксидантлар ва витаминлар бўлган картрижларда аралаштиришмоқчи.
Бу 3D-принтерлар картриж ичидаги масаллиқларни инфрақизил лазер билан қиздириб ва унга компьютер дастури томондан танланган озиқ-овқат хом ашёси шаклини беради. Ҳарорат таъсирида наноцеллюлоза картриждаги масаллиқлар билан бирлашади, лазер билан ишлов бериш босилган таомга пишган, қовурилган ёки грилда тайёрлангандек кўриниш беради. Олимларнинг фикрича, истеъмолчилар бундай кўринишдаги таом билан синтетик таом тановул қилишаётгани фикрига осонроқ кўникадилар.
Олимлар шу тариқа озиқ-овқат 3D-технологиясидаги "Таомни босишнинг ўзи нима кераги бор?" деган бош саволга жавоб бера олдилар. Уларнинг фикрича, бундай таомлар қатъий парҳезга риоя қилувчилар: вегетарианлар, диабетиклар, спортчилар, аллергияга мойил бўлганлар, хуллас нима еяётганига жуда эътиборли бўлиши керак бўлган барча учун керакдир.
Ихтиро муаллифлари егуликларни принтерларда босиш жараёнини тижоратлаштириш имкониятини сармоячилар билан муҳокама қилмоқдалар. Агар ҳаммаси рисоладагидек кетса, бундай 3D-принтерлар умумий овқатланиш жойларида 2 йил ичида, хонадонлар ошхоналарида эса 5 йилдан кейин пайдо бўлади.
"Ҳаммаси биттада" янги концепциясини Soylent компанияси илгари сурмоқда. Компаниянинг таъкидлашича, у ишлаб чиқарадиган эрувчи кукунда инсон учун барча зарур озуқа моддалари бор. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ғазо аҳолиси ҲАМАСнинг тинчликка эришиш йўлидаги қарорини нишонлаш учун кўчаларга чиқди
Россияда америкалик аскар ўғриликда айбланиб қўлга олинди
Освенцимда минглаб яҳудийлар «Тириклар марши» акциясини ўтказди
Президент ижтимоий хизматлар кўламини кенгайтириш бўйича таклифлар билан танишди
Ўзбекистон ва Россия ўртасидаги сайёҳлар алмашинуви пандемиядан олдинги даражага етди
Оқ уй Украина 2025 йилда ҳужумга ўтишини тахмин қилмоқда
Самвел Бабаян: "Исталган жамоа Наманганга келганида ҳимоявий услубда ўйнайди"
Сиртқи таълим босқичма-босқич тугатилади