Samsung янги рекламасида iPhone эгаларини “мазаҳ қилди”

Samsung компанияси маркетологлари “Улғайиш” деб номланган реклама ролигида iPhone смартфонлари ихлосмандларини “мазаҳ қилди”, деб ёзади Кун нашри.

Роликда нафақат iPhone’нинг илк модели iPhone 2G’дан бошлаб қолган моделларидаги камчиликлар, жумладан кичик ҳажм, чанг ва намликдан ҳимоянинг йўқлиги зарур вақтда панд бериши “мазаҳ қилинган”, балки “lightning” туридаги коннекторга ўтилгани ҳам “эслаб ўтилган”. Шунингдек, яқинда сотувга чиқарилган iPhone X’даги баъзи дизайнерлик ечимларига ҳам танқид кўзи билан қаралган.

Ролик сўнгида анча йиллардан бери iPhone’ларнинг камчиликларидан “чарчаган” бош қаҳрамон севимли қурилмасини тортмага қўйиб, Samsung смартфонидан фойдаланишга қарор қилади.
[media=https://youtu.be/R59TevgzN3k]
Жанубий Корея компанияси маркетологларининг фикрича, Apple қурилмаларидаги баъзи “ечимлар” унинг бир қисм мижозларининг Galaxy Note 8 смартфонларидан фойдаланишга ўтишга ундайди. «Замин»ни Telegram’да ўқинг!