14:28 / 28.12.2017
4 457

Apple'нинг смартфонлар бозоридаги улуши кескин камайди

Apple'нинг смартфонлар бозоридаги улуши кескин камайди
Американинг Apple компанияси жаҳон смартфонлар бозорида етакчиликни сақлаб келмоқда, бироқ 2017 йилнинг III чорагида унинг улуши сезиларли даражада камайди. Бу ҳақда «Counterpoint Research»га таяниб «Кун.уз» хабар бермоқда.

Компания экспертлари баҳоларига кўра, Apple июль-сентябрь ойларида смартфонлар сотувларидан тушган глобал даромаднинг 60 фоизига эга бўлган, ўтган йилнинг худди шу вақтида эса бу кўрсаткичлар 86 фоизни ташкил қилган.

Таҳлилчилар бозордаги улушнинг пасайишини ўтган йили компаниянинг эски моделдаги нисбатан арзон смартфонларни сотгани билан изоҳламоқда. Бундан ташқари, Galaxy Note 8 янги флагманини тақдим этган ва сегментдаги глобал даромаднинг 26 фоизига эга бўлган Samsung томонидан рақобат таъсири ҳам сезилган.

Етакчилар бешлигидан, шунингдек, Хитойнинг уч компанияси - Huawei, Oppo ва Vivo ўрин олган. Бу компанияларнинг улуши бозорда 5 фоиздан ошмаган.

Apple акциялари чоршанба куни 0,3 фоизга арзонлашгани қайд этилди. Йил бошидан компания капитализацияси 47 фоизга (875,75 миллиард долларгача) ошган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Техно » Apple'нинг смартфонлар бозоридаги улуши кескин камайди