Сингапурда 20 сонияда қувватланувчи электробус ишлаб чиқарилди

  • 26 январь 2018, 10:23
  • 3 564
  • Технология
  • Сингапурда 20 сонияда қувватланувчи электробус ишлаб чиқарилди
    Сингапур университети ўз кампусида транспорт тажрибаларини ўтказишни давом эттирмоқда. Икки йил аввал у ерда ҳайдовчисиз автобус пайдо бўлганди. Энди эса янги автобус синовдан ўтказилмоқда: унда ҳайдовчи “ўз ўрнига қайтарилган” ҳамда электродвигател ва 20 сонияда қувватлана оладиган батареялар ўрнатилган.

    22 ўринлик электробус BlueSG компанияси томондан яратилган. Унга компаниянинг бошқа автобуси – Bluetram асос бўлган. Янги электробусда унга 30 км йўл босиб ўтишга имкон берувчи аккумулятор мавжуд. Бироқ у захира функциясини бажаради. Электробуснинг асосий энергия манбаи – суперконденсатор бўлиб, у автобус бекатда турадиган вақт – 20 сония ичида қувватлана олади.

    Талабалар шаҳарчасидаги ҳар бир бекат махсус қувватлаш тизими билан жиҳозланган. Автобус бекатга келганда, махсус телескопик разъём итарилиб чиқиб, электробусга 2 км йўлга етадиган энергия беради. Бу масофа бир бекатдан иккинчисига етиб олиш учун етарлидир. Компанияда маълум қилинишича, бу арзон ечимдир. У учун инфратузилма осон яратилади. Электробус жамоат транспортининг исталган бошқа туридан хизмат кўрсатишда самаралироқ бўлиши ваъда қилинмоқда.

    Манба: Kun.uz

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Сингапурда 20 сонияда қувватланувчи электробус ишлаб чиқарилди