Исталган бир илованинг ижобий томонлари, имкониятлари ҳақида интернетдан кўплаб маълумотлар топса бўлади. Жумладан сайтимизда Telegram мессенжери хусусида бир қатор мақолалар, хабарлар ва йўриқномалар эълон қилинган.
Бугун эса аксинча – ушбу оммабоп мессенжернинг камчиликлари, аниқроғи – унга етишмаётган 10 та функция ҳақида маълумот бермоқчимиз. Тўғри, идеал илова бўлиш учун Telegram’га бундан бошқа янгиликларни ҳам қўшиш керакдир, аммо мана шу ўнтаси – фикримизча, айни кунда энг муҳимларидандир.
1. Ушбу мессенжерда ёзишмаларни сақлаб қўйиш ва захира нусхасини яратиш функцияси йўқ. Унда ўзаро алмашилган барча хабарлар фақатгина Telegram серверларида (махфий чатлардан ташқари) ҳамда фойдаланувчиларнинг қурилмаларидагина сақланади. Шунингдек, скриншот қилиб, расм тарзида сақлаб олиш имкони мавжуд.
2. Telegram’да фойдаланувчи ўзининг «Онлайн» мақомини яшира олмайди. Тўғри, буткул «кўринмас» бўлишнинг имкони йўқ, аммо мессенжерга охирги бор кирган вақтингизни яширсангиз бўлади.
3. Telegram’да видеоқўнғироқ қилиш функцияси мавжуд эмас. Дастурчилар жамоасининг маълум қилишича, улар бунинг устида ишлашмоқда, аммо бошқа кўплаб мессенжерларда мавжуд бўлган шу функция ҳозирча бу иловада йўқ.
4. Агарда гуруҳли чатнинг маъмури (администратори) бўлмасангиз, унга янги суҳбатдош қўша олмайсиз.
5. Мазкур иловада гуруҳлар бўйича ажратиш имкони йўқ. Яъни, унда ўз контактларингизни, дейлик, «ишхонадагилар», «дўстларим» ва «қариндошлар» каби гуруҳлай олмайсиз.
6. Ўчириб юборилган аккаунтни қайта тиклашнинг иложи йўқ. Агарда сиз бирор гуруҳнинг маъмури бўлсангиз, лекин аккаунтингизни ўчирган бўлсангиз, сўнгра қайтадан ўша рақамингизда аккаунт очсангиз ҳам, ўша маъмурлик ҳуқуқингизни қайтариб ололмайсиз. Қайтадан бошқа гуруҳ очишингизга тўғри келади.
7. Агарда спам тарқатганлик учун аккаунтингиз вақтинчалик блокировкага тушиб қолган бўлса, блокланиш муддатини қисқартиришнинг иложи йўқ.
8. Яратилган стикер-пак номини ўзгартириб бўлмайди. Шундай экан, агарда ўзингиз стикерлар тўплами яратишни ният қилсангиз, уни қандай номлаш ҳақида бошиданоқ жиддий ўйлаб кўрганингиз маъқул.
9. Telegram’да гуруҳли қўнғироқларни амалга ошириш функцияси мавжуд эмас.
10. Агарда ўз аккаунтингизга юзернейм (ник) белгилаб қўйган бўлсангиз, уни қидирувдан яшириб бўлмайди. «Фойдаланувчи исми» («Имя пользователя») банди орқали ўз аккаунтингизга ник олгач, шу юзернейм бўйича сизни топиш мумкин. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
20 ёшли ўзбекистонлик қизни қариндоши Туркияга сотиб юборди
Жо Байден: “Баъзан хотиним мени космосга жўнатиш билан таҳдид қилади”
Омега-3 қандай қилиб озишга ёрдам беради?
Эрон АҚШдан 1 трлн доллар компенсация талаб қилди
Apple донгдор икки айфонини расман эскирган деб эълон қилди
Айрим бошқарув сервис компаниялари шартномаларида асоссиз шартлар белгилангани аниқланди
Шольц ва Путин ўртасидаги суҳбат Киевга сигнал бўлди
Россиялик депутат: «Олий маълумотлиларнинг курерлик қилиши — ватанпарварликка зид»
