Telegram иши бўйича суд можаросида инсон ҳуқуқлари соҳасидаги халқаро стандартларга риоя этилмади. Бу ҳақда БМТнинг Инсон ҳуқуқлари бўйича олий комиссари расмий вакили Руперт Колвилл маълум қилган.
"Ушбу ишга жалб этилган олти шахсда, афтидан, керакли юридик кафолатлар бўлмаган, хусусан, шифрланиш калитларини тақдим этиш тўғрисида талаб юборилишига асос бўлувчи суд қарори. Инсон ҳуқуқлари соҳасидаги халқаро стандартлар юридик кафолатлар ва назоратни талаб этади", - деди у.
Колвиллнинг эслатишича, БМТнинг фикр эркинлиги бўйича махсус маърузачиси Дэвид Кей суд қарори бўйича шифрларни тақдим этиш фақатгина алоҳида ҳолатларда рўй бериши мумкинлигини таъкидлаб ўтган. Бунда ҳар бир алоҳида вазият учун суд ордери талаб этилади ҳамда оммавий тартибда эмас, балки фуқаролар учун жараён ҳуқуқларига риоя қилиниши даркор.
Инсон ҳуқуқлари бўйича олий комиссар вакилининг сўзларига кўра, мессенжер блокланиши ҳукуматнинг ноодатий реакциясидан дарак беради. "Россияда ҳамма учун Telegram хабарлар сервисининг олти нафар алоҳида шахсга нисбатан даъво туфайли блокланиши РФ ҳукуматининг умуман кутилмаган жавобидир", - дея айтиб ўтди у.
Колвилл ФТБ Apple телефонлари шифрланишини бузиб кириш учун кодлар талаб қилгани билан боғлиқ шунга ўхшаш воқеани эслатди. Бу 2016 йилда Сан-Бернардинодаги қотилликлар билан алоқадор бўлган. Ўшанда БМТнинг инсон ҳуқуқлари бўйича олий комиссари Зайд Раад ал Ҳусайн АҚШ ҳукуматини кескин танқид қилиб, ФТБнинг бундай ҳаракати бутун дунё бўйлаб миллионлаб одамлар ҳуқуқларига салбий таъсир кўрсатиши мумкин эканини маълум қилганди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Қайси кундалик одатлар иммунитет пасайишига олиб келишини биласизми?
Эрон президенти жиддий баёнот берди: «Исроилдан ҳеч нарса қолмайди»
Сариқми ёки яшил: қайси турдаги банан фойдалироқ?
Германияда мактаб ўқувчилари оммавий равишда ислом динини қабул қилмоқда
Тошкентда 02 кодли авторақамлар тахминан қачон пайдо бўлиши айтилди
Россия дунёдаги биринчи водород ёқилғили автомобилни тақдим этди
Пиёда юриш ва боғдорчилик билан шуғулланиш депрессияга чалинишни 23 фоизга камайтиради