06:49 / 14.05.2018
3 714

Facebook ҳам ўз криптовалютасини чиқармоқчи

Facebook ҳам ўз криптовалютасини чиқармоқчи
Кейинги пайтларда бутун дунё бўйлаб криптовалюта турлари кенг тарқалаётганидан хабарингиз бор. Жумладан, Telegram компанияси ҳам ўзининг крипто-пулини чиқаришни режалаштираётгани ҳақида хабар берилган эди.

Terbayt.uz сайти манбаларга таяниб ёзишича, энди Facebook компанияси ҳам ўз криптовалютасини яратишга қарор қилган кўринади. Компания бу йўналишни бир йилча аввал ўргана бошлаганди, бугунги кунга келиб эса мазкур масала билан шуғулланувчи жамоани ҳам шакллантирган. Маълум бўлишича, ўндан ортиқ мутахассисни жамлаган ушбу жамоа блокчейн технологияларини ўрганиш билан шуғулланмоқда. Унга Messenger иловаси учун масъул бўлган вице-президент Дэвид Маркус раҳбарлик қилаётир.

Криптовалютани Facebook ижтимоий тармоғи ичидаги тўловларни амалга оширишда қўллаш учун фойдаланиш режалаштирилмоқда. Бунда Telegram’даги сингари ICO ўтказиш (яъни, чекланган миқдордаги токенларни оммавий сотувга чиқариш) кўзда тутилмаган.

Лекин шуни ҳам таъкидлаб ўтиш керакки, Facebook ўз криптовалютасини йўлга қўйиши учун ҳам бир неча йил муддат керак бўлиши мумкин. Эҳтимол, бунинг учун у блокчейн билан шуғулланувчи компанияларни харид қилишига ҳам тўғри келар.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Техно » Facebook ҳам ўз криптовалютасини чиқармоқчи