Oppo бир йўла учта буклама смартфонга патент олди

Oppo компанияси буклама смартфонларини чиқаришга тайёрланмоқда, улар уч кўринишда бўлади. Айни пайтда тармоқларда Oppo компаниясининг бир йўла уч хил буклама смартфонига олинган учта патенти пайдо бўлди.

Биринчи варианти экран учун ҳаво “хавфсизлик ёстиғи” билан бўлади. У смартфон букланганда, махусус камераларга ҳаво йиғилиб, дисплейни зарар кўришдан ҳимоя қилади.

Иккинчи патент қурилманинг бир йўла учта экрани борлигидан гувоҳлик бермоқда: иккита асосий ва битта қўшимча бўлади. Тахланган ҳолатда битта дисплей панелнинг устки томонида бўлади, иккинчиси орқа томонда, агар уни очсангиз учунчи экран ҳам “ёйилиб”, қаршингизда намоён бўлади. Натижада қурилма тахланган гаджетдан уч баробар катта расмердаги ҳақиқий планшетга айланади.

Ниҳоят, Oppo’нинг учунчи ишланмаси Samsung’нинг аввалги ғояларини эслатиб юборади. Бу, шарнир ва эгилувчан ёстиқча ёрдамида икки букиладиган битта катта экрандан иборат бўлади.

Буларнинг барчаси ҳозирча патент, Oppo ўзининг келгусида чиқараётган буклама смартфонига қайси дизайнни танлашини эса, вақт кўрсатади.

Манба: Terabayt.uz «Замин»ни Telegram’да ўқинг!