Американинг "Palm" компанияси 2010 йилдан бери биринчи марта смартфонлар бозорига қайтди. Компания экран диагонали 3,3 дюймли ихчам смартфон чиқарди.
Унинг ўлчамлари 2007 йили чиқарилган илк "iPhone"никидан ҳам кичкина, шу боис, баъзи таҳлилчилар уни “худди кредит картадек ҳажмда” деб таърифламоқда.
Дисплей кичкина эканлигига қарамай, бошқа барча жиҳатлари бўйича у "Android 8.1" операцион тизимида ишлайдиган одатдаги замонавий смартфон. Унга "Snapdragon" 435 процессори, 3 гигабайт оператив хотира, 32 гигабайтли ички хотира ҳамда 800 мАс қувватли батарея ўрнатилган.
"Palm"нинг баёнотига кўра, қурилма “куни бўйи” ишлай олади. Мабодо аккумулятори “ўтириб қолса” ҳам, 31 дақиқада 50 фоизгача, 68 дақиқада 100 фоизгача қувватлантириш мумкин. "Palm"нинг олд қисмида фронтал камерадан бошқа ҳеч нарса бўлмаса-да, у юзни таниш технологияси орқали экранни блокдан чиқариш имконини тақдим этади.
Компания кичик дисплейга яхши кўриниши учун "Android"нинг интерфейсини қайта ишлаган, шу боис, унинг экранида мобил дастурлар худди “белгилар булути” каби кўриниб, қайсидир маънода "watchOS"нинг интерфейсини ҳам эслатиб юборади.
Вазиятга қараб, ихчам "Palm" смартфонини фитнес-билагузук ёки велокомпьютер сифатида ишлатиш мумкин. Компания бунинг учун 2018 йил ноябрида қўшимча аксессуарлар чиқаришни режалаштирган.
"Palm" ҳозирча фақат АҚШ да, "Verizon" мобил алоқа оператори орқали 349 доллардан сотилади. Қурилмани бошқа мамлакатларга ҳам чиқариш режалари ҳақида ҳозирча маълумот йўқ. “Замин” янгиликларини “Facebook”да кузатиб боринг
Унинг ўлчамлари 2007 йили чиқарилган илк "iPhone"никидан ҳам кичкина, шу боис, баъзи таҳлилчилар уни “худди кредит картадек ҳажмда” деб таърифламоқда.
Дисплей кичкина эканлигига қарамай, бошқа барча жиҳатлари бўйича у "Android 8.1" операцион тизимида ишлайдиган одатдаги замонавий смартфон. Унга "Snapdragon" 435 процессори, 3 гигабайт оператив хотира, 32 гигабайтли ички хотира ҳамда 800 мАс қувватли батарея ўрнатилган.
"Palm"нинг баёнотига кўра, қурилма “куни бўйи” ишлай олади. Мабодо аккумулятори “ўтириб қолса” ҳам, 31 дақиқада 50 фоизгача, 68 дақиқада 100 фоизгача қувватлантириш мумкин. "Palm"нинг олд қисмида фронтал камерадан бошқа ҳеч нарса бўлмаса-да, у юзни таниш технологияси орқали экранни блокдан чиқариш имконини тақдим этади.
Компания кичик дисплейга яхши кўриниши учун "Android"нинг интерфейсини қайта ишлаган, шу боис, унинг экранида мобил дастурлар худди “белгилар булути” каби кўриниб, қайсидир маънода "watchOS"нинг интерфейсини ҳам эслатиб юборади.
Вазиятга қараб, ихчам "Palm" смартфонини фитнес-билагузук ёки велокомпьютер сифатида ишлатиш мумкин. Компания бунинг учун 2018 йил ноябрида қўшимча аксессуарлар чиқаришни режалаштирган.
"Palm" ҳозирча фақат АҚШ да, "Verizon" мобил алоқа оператори орқали 349 доллардан сотилади. Қурилмани бошқа мамлакатларга ҳам чиқариш режалари ҳақида ҳозирча маълумот йўқ. “Замин” янгиликларини “Facebook”да кузатиб боринг
Мавзуга оид янгиликлар
Жаҳондаги илк эгилувчан экранли йиғилувчи смартфон 1 ноябрдан сотувга чиқади
Россия бренди 3 кунгача қувватланмасдан ишлай оладиган смартфон тақдим этди
Сувда чўкмайдиган, симсиз қувватланадиган смартфон тақдим қилинди
50 кунгача қувватланишсиз ишлай оладиган смартфон сотувга чиқарилди
Sharp Aquos S2: япон технологияси ўртача нархда
LG компанияси бира тўла тўртта смартфон тақдим этди
