15:18 / 08.11.2018
3 150

Хитойдаги видеокузатув тизими одамларни юришидан танишни ўрганди

Хитойдаги видеокузатув тизими одамларни юришидан танишни ўрганди
Хитой расмийлари одамларни уларнинг қадам босиши ёки тана тузилиши бўйича таниб олишга мўлжалланган янги кузатув воситаларини қўллашни бошлади. Тизим 50 метр масофада турган ҳар қандай одамнинг, у ҳатто камерага терс турган ёки юзи кўринмаётган бўлса ҳам, шахсини аниқлай олади.

Бутун Хитой энг янги оптика ва юз таниш технологиялари билан таъминланган сон-саноқсиз видеокузатув камералари билан қамраб олинган, энди эса Пекин ва Шанхай шаҳарларида одамларни юришидан таний оладиган камералар ишга тушди. Ушбу тизим шахсий ҳаёт дахлсизлиги тарафдорларининг чуқур хавотирларига сабаб бўлди.

Тизим инсоннинг юзига “қиё боқиши” шарт эмас, шунчаки унинг қандай юриб кетаётганини кўрса бас. Чўлоқланиб, бошқачароқ қадам босиб тизимни алдаш имкони йўқ – у бутун тананинг ўзига хосликларини таҳлил қилиб, шу асосда хулоса чиқаради.

Юришни таниш технологиясидан ҳозирнинг ўзида бир қатор майда жиноятларнинг олдини олишда (масалан, автомобиль йўлини белгиланмаган жойларда кесиб ўтиш каби) ва оломон орасидан қидирувда бўлган жиноятчиларни аниқлашда фойдаланилмоқда. Яқин вақт ичида янги тизим умуммиллий кузатув тизимига қўшилиши кутилаяпти.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Техно » Хитойдаги видеокузатув тизими одамларни юришидан танишни ўрганди