08:01 / 10.11.2018
5 318

Дубай полицияси учар мотоцикллар билан “қуролланади” (фото, видео)

Дубай полицияси учар мотоцикллар билан “қуролланади” (фото, видео)
Калифорниянинг Hoversurf стартапи Дубай полициясига S3 ховербайкининг илк серияли намунасини берди ва полиция ходимларини уни бошқаришга ўргата бошлади. Вертикал учиш ва қўниш функциясига эга ушбу қурилма полицияда 2020 йилдан фойдаланишга киритилади. Қурилмалардан тезкор жавоб бериш отрядлари шаҳарнинг чекка туманларига боришда фойдаланади.

CNN нашрининг хабар беришича, айни вақтда икки гуруҳ полициячилар қурилмани бошқаришга ўргатилмоқда. Ховербайкни мукаммал бошқариш учун ҳам мотоцикл, ҳам дронни бошқаришни билиш талаб этилади. Полиция раҳбарияти 1-2 ой ичида учар қурилмалари паркини кенгайтириш борасида қарор қабул қилади. Гап S3’дан 30-40 тасини етказиш ҳақида бормоқда.

Фото: Hoversurf

Полицияга мўлжалланган Hoversurf учар электромотоцикли 2017 йилда GITEX кўргазмасида тақдим қилинган. Ховербайк 12,3 киловат-соатлик батарея билан жиҳозланган ва дрон режимида қайта қувватланишсиз 40 дақиқа ишлай олади. Учувчи билан эса ҳавода 25 дақиқа бўла олади.

Ҳозирда Дубай полицияси кўчаларни патруллашда экзотик спорт- ва суперкарлардан фойдаланади. Бу машиналар орасида қимматбаҳо Aston Martin One-77, Bugatti Veyron, Ferrari LaFerrari ва Porsche 918 бор. Абу-Даби полициясида эса нархи 3,4 млн доллар турувчи Lykan HyperSport спорткари ҳам бор.
[media=https://www.youtube.com/embed/GQMGq8gk6QM]

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Техно » Дубай полицияси учар мотоцикллар билан “қуролланади” (фото, видео)