20:48 / 24.11.2018
4 878

"Vivo" Хитой смартфон бозорида савдолар ҳажми бўйича биринчи ўринга чиқиб олди

"Vivo" Хитой смартфон бозорида савдолар ҳажми бўйича биринчи ўринга чиқиб олди
"Counterpoint" таҳлил компанияси Хитой смартфонлар бозорининг учинчи чорак якунларини сарҳисоб қилди. Смартфонлар сотиш рейтингида биринчи ўринга "Vivo" компанияси чиқди.

Компания учинчи чорак давомида 21,6 млн дона смартфон етказиб берган. Унинг Хитой бозоридаги улуши 19,9 фоизга етди (бу борадаги ўсиш ўтган йилга нисбатан 2 фоизни ташкил этди).

21,4 млн дона смартфон сотган "Oppo" компаниясининг бозордаги улуши 19,7 фоизни ташкил этди. Компаниянинг сотувлари ҳажми ўтган йилга нисбатан 11 фоизга қисқарди.

Учинчи ва тўртинчи поғоналарни "Huawei" ва унинг "Honor" бренди эгаллаган – "Huawei" бренди остида 15,7 млн дона (бозордаги улуш – 14,5 фоиз), "Honor" бренди остида эса 13,3 млн дона (12,2 фоиз) смартфон сотган. Компанияларнинг савдо ҳажми 14 фоизга ошган.

"Xiaomi" 13 млн дона қурилма сотиб (бозордаги улуши 12 фоизни ташкил этган) бешинчи, "Apple" эса 8,4 млн дона қурилма сотиб (улуши – 7,7) олтинчи бўлди. Бу компанияларнинг савдо ҳажми мос равишда 15 ва 17 фоизга пасайган.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Техно » "Vivo" Хитой смартфон бозорида савдолар ҳажми бўйича биринчи ўринга чиқиб олди