Huawei ўзининг биринчи ақлли кўзойнакларини чиқаради (фото, видео)

Huawei Кореянинг Gentle Monster таниқли бренди билан ҳамкорликда ўзининг биринчи ақлли кўзойнагини чиқариш режалари тўғрисида маълум қилди. Бу ҳақда Kun.uz нашри ёзмоқда.

Кўзойнаклар смарт-кўзойнаклар деб аталувчи нарсадан кўра, оддий дизайнерлик кўзойнакларига ўхшаш. Улар ўзининг оддий функцияларидан ташқари, қўнғироқларни амалга ошириш ва мусиқа тинглаш учун Bluetooth-гарнитура вазифасини ҳам бажариши мумкин.

^{Фото: POCKET-LINT}

^{Фото: POCKET-LINT}
Қўнғироққа жавоб бериш учун шунчаки ён томонга тегиш кифоя қилади, ҳеч қандай тугма йўқ. NFC технологияси қўллаб-қувватланади.

Гардишга динамиклар, микрофон, антенна ва аккумулятор жойлаштирилади. Камера эса йўқ, бу компаниянинг махфийлик бўйича баҳслардан қочиш истагига боғлиқ бўлиши мумкин.

Huawei 2019 йил июль ойида кўзойнаклар чиқаришни режалаштирмоқда. Уларнинг нархига ҳозирча аниқлик киритилмади.

The future is now! Together with Gentle Monster we have joined forces to take your wearable intelligence to the next level with #HUAWEI X GENTLE MONSTER EYEWEAR. pic.twitter.com/MrgO2esXK4
— Huawei Mobile (@HuaweiMobile) March 26, 2019