«Ўзбектелеком» АЖ томонидан ишлаб чиқилган янги пиринг тармоғи жаҳондаги машҳур интернет-ресурслар ва порталларни маҳаллийлаштириш ҳамда сифатли миллий контентни ривожлантириш бўйича лойиҳалар яратиш имконини беради. Бу интернетдан фойдаланиш даражасига ижобий таъсир кўрсатади. Бу ҳақда ЎзА хабар берди.
Ўзбекистонда ушбу лойиҳанинг амалга оширилиши халқаро интернет-канал юкламасини маълум даражада мақбуллаштириш имконини беради ва интернет-ресурсларнинг оқилона тақсимланишини таъминлайди.
Масалан, ҳозирги кунда «Ўзбектелеком» АЖ ва Россиянинг йирик медиа-контент таъминотчилари – «Ivi.ru» МЧЖ (ivi.ru) билан қўшма лойиҳаси мавжуд. Лойиҳа Ўзбекистонда сифатли, лицензияли медиа-контентни тақдим этишга хизмат қилади. Ўзбекистонликлар дунё аҳли билан бир пайтда сўнгги хорижий кинофильмлар, телесериаллар ва мусиқий премьералардан баҳраманд бўлиш имконига эга бўлди.
Uz-IX тармоғи – бу «Ўзбектелеком» АЖ бошқаруви остидаги инфратузилма бўлиб, унинг барча иштирокчилари (пиринг-шериклари) ўзаро трафик алмашишлари мумкин.
Айни пайтда тармоқдан, хостинг майдончасидан ёки медиа-контентдан фойдаланиш хизматларини кўрсатган ва тегишли лицензияга эга юридик шахс пиринг тармоғи иштирокчиси бўла олади.
Таъкидлаш жоизки, Uz-IX янги пиринг тармоғининг ташкил этилиши амалдаги TAS-IX пиринг тармоғининг муқобили ёки унинг ўрнини босувчи тармоқ ҳисобланмайди. «Ўзбектелеком» АЖ аввалгидек TAS-IX «Маълумот узатиш тармоқлари бўйича ўзаро ҳамкорлик қилиш маркази» нодавлат нотижорат ташкилотининг аъзоси ва TAS-IX трафиги алмашиш тармоғи фойдаланувчиси ҳисобланади. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Шавкат Мирзиёев Россия бош прокурори билан учрашув ўтказди
2026 йилда бўлажак мундиалнинг фаворитлари рейтинги тақдим этилди
Халқаро жиноят судининг ордери Исроилни нега қўрқитяпти?
Италия суди Қуддус Исроил пойтахти эмаслиги ҳақида қарор чиқарди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
