Энергия тежовчи чироқлар (лампалар) электр энергияси истеъмоли жиҳатидан анъанавий – чўғланма лампаларга нисбатан тежамкор эканлиги маълум. Уларни ҳам икки турга бўлиш мумкин: симоб буғи асосида ёритувчи (люминесцент) ҳамда ёруғлик-диодли (LED) лампалар.
Булар орасида LED-чироқлар энг тежамкори ва хавфсизи ҳисобланади, лекин франциялик мутахассислар бу фикрни инкор этишяпти. Ушбу мамлакатнинг Озиқ-овқат, атроф-муҳит, меҳнат муҳофазаси ва саноат хавфсизлиги (Agency for Food, Environment and Occupational Health and Safety – ANSES) эълон қилган ҳисоботда шундай дейилади, деб хабар берди «Терабайт».
Мазкур ҳужжатда таъкидланишича, LED-чироқлар кўзнинг тўр пардаси ҳужайралари бузилишига ва кўриш қобилиятининг пасайишига олиб келиши мумкин.
LED-лампалар (светодиодлар) хоналарни ёритишда энг яхши вариант ҳисобланиб келади, чунки улар жудаям кам қувват талаб қилади. Бундан ташқари, замонавий ёруғлик-диодли лампаларни смартфон орқали бошқариш, масалан – ёрқинлигини ва рангини созлаш мумкин. Шунга қарамасдан, ANSES экспертлари уларни саломатлик учун зарарли, деб топишди.
Бундан ташқари, интенсивлиги паст бўлган чироқлардан мунтазам фойдаланиш кўз тўр пардасининг «қариш» жараёнини тезлаштириб, турли касалликларга олиб келиши мумкин, дейишмоқда улар.
Қайд этиш керакки, LED-чироқлар нафақат хоналарни ёритишда, балки аксарият смартфон, планшет ва ноутбук экранларида ҳам ишлатилади. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Украина аскарлари Зеленскийнинг баёнотига кутилмаган муносабат билдиришди
Путин: Янги вазифалар, НАТО, Украина ва Франция билан муносабатлар
103 ёшли италиялик аёл ҳайдовчи жаримага тортилди
Қирғизистон президенти масжидда намоз ўқиб, ифторлик берди
Путиннинг ишончли вакилига суиқасд қилишга уриниш бўлди
Александр Лукашенко: “Россиядаги сайлов натижалари Ғарб аралашуви устидан ғалаба қозонди”
Исроилда минглаб одамлар гаровга олинганларни озод қилишни талаб қилди
Хурмонинг қандай фойдали хусусиятлари мавжуд?