Vivo смартфонларни атиги 13 дақиқада қувват олдирувчи янги технологияни тақдим этди

  • 20 июнь 2019, 16:23
  • 755
  • Технология
  • Vivo смартфонларни атиги 13 дақиқада қувват олдирувчи янги технологияни тақдим этди
    Энди ускунани тун давомида зарядлашнинг ҳожати йўқ.

    Хитойнинг смартфон ишлаб чиқарувчи Vivo компанияси Super FlashCharge 120W технологиясини яратганини маълум қилди. Бу технология 4 000 mA·s ҳажмдаги аккумуляторни атиги 13 дақиқада қувватлаш имконини беради.

    Компания қизиқувчилар учун видео тайёрлаган бўлиб, унда флагманнинг қуввати 16 сонияда тахминан 10 фоиздан 14 фоизга етган. Бу рекордга қадар Vivo'нинг эришган энг яхши натижаси 4 000 ли батарейка учун 45 дақиқани ташкил этган — бу имконият видеоўйин ишқибозлари учун ишлаб чиқарилган iQOO телефонида мавжуд.

    Март ойида Xiaomi ўзининг 100 ваттли технологиясини намойиш этган бўлиб, унда худди шундай ҳажмдаги батарейкани 17 дақиқада қувватлаш имконияти бор. Улар орасидан ҳозирда сотувда мавжуди Oppo Find X Lamborghini Edition — унинг батарейка сиғими 3 400 mA·s ва 35 дақиқада тўлади.

    Vivo ўзининг 120-ваттлик технологиясини, катта эҳтимол билан, 26 июнда бошланадиган MWC Shanghai кўргазмаларида тақдим этади. Шунингдек, компаниянинг 5G-смартфони тақдимоти ўтказилиши ҳам кутиляпти.

    » » Vivo смартфонларни атиги 13 дақиқада қувват олдирувчи янги технологияни тақдим этди