Смартфонингиз Android'да ишлайдими? Эхтиёт бўлинг — вирус

  • 11 июль 2019, 10:38
  • 1 196
  • Технология
  • Смартфонингиз Android'да ишлайдими? Эхтиёт бўлинг — вирус
    Фото: «Gettyimages»
    Check Point компанияси ходимлари бутун дунё бўйлаб Android'да ишлайдиган 25 миллион смартфонни зарарлаган вирусни аниқлади.

    Ушбу вирусга «Агент Смит», деган ном берилган. У тизим ҳимоясидаги ожиз нуқталарни топади ва аввал ўрнатилган иловаларни вирус билан зарарланганига алмаштиради. Бу жараённи смартфон эгаси сезмай қолади.

    Ҳозирча хакерлар ушбу вирусдан реклама эълонларини бериб боришда фойдаланмоқда. Аммо мутахассисларнинг аниқлашича, хакерлар ундан телефон эгаси сўзлашувларини эшитиш ва ҳатто маълумотларни ўғирлашда фойдаланиши мумкин.

    Ушбу вирус 9Apps деб номланувчи норасмий иловалар дўконидан тарқаган. Азият чекканларнинг аксарияти Ҳиндистондан бўлиб, шунингдек АҚШ, Австралия ва Буюк Британиядан ҳам жабрланганлар етарлича.

    Аниқланишича, хакерлар аввалига рус, ҳинд ва араб тилида сўзлашувчи фойдаланувчиларнинг смартфонларини эгаллашни мақсад қилган.

    » » Смартфонингиз Android'да ишлайдими? Эхтиёт бўлинг — вирус