17:08 / 22.11.2019
3 942

Tesla ўқ ўтмайдиган электропикапини намойиш этди (фото, видео)

Tesla ўқ ўтмайдиган электропикапини намойиш этди (фото, видео)
Фото: Tesla
Американинг Tesla компанияси ўзининг Cybertruck деб номланган ўқ ўтмайдиган электр пикапини намойиш этди.

Автомобиль корпуси зангламайдиган мустаҳкам пўлатдан тайёрланган, машина ойналари зирҳланган. Тақдимотда Tesla раҳбари Илон Маск пикапнинг мустаҳкамлигини намойиш этишни сўради — машина куволда зарбасига дош берди.

Автомобиль учта версияда — бир, икки ва учта мотор билан чиқарилади. Аккумулятор қуввати мос равишда 400, 500 ва 800 километр масофага етади.

Маскнинг сўзларига кўра, пикап 2,9 сония ичида тезлигини соатига 96,6 километрга етказиши мумкин. Энг арзон модель 39,9 минг, ўрта модель 49,9 минг ва юқори модель 69,9 минг доллар туради.

Cybertruck пикапини ишлаб чиқариш 2021 йил охиридан бошланади.




Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Техно » Tesla ўқ ўтмайдиган электропикапини намойиш этди (фото, видео)