Фото: Hi-Tech.Mail.ru
Apple’нинг сўнгги йиллардаги энг яхши маҳсулотларидан бири — бу AirPods наушниклари. Apple Watch’дан фарқли ўлароқ, наушниклар тезда бозорни эгаллаган, деб хабар беради IXBT.
AirPods нафақат улкан миқдорда сотилган (2019 йилда 35 миллион наушник 7,3 миллиард долларга сотилган), балки дунёдаги энг машҳур симсиз наушник ҳисобланади. Бундан ташқари, айнан AirPods симсиз наушникларга оммавий равишда тезкорлик билан ўтиш йўлида катализатор вазифасини ўтаган.
Аммо Apple аввал бошида шу каби муваффақиятни кутган эдими? Грег Жосвиак — Apple маҳсулотларининг маркетинги бўйича вице-президенти — AirPods наушникларининг бозорни эгаллаш жараёни ҳақида сўзлаб берди. Унинг айтишича, Apple бу каби улкан муваффақиятни кутмаган.
«Бу худди ўрмон ёнғини каби эди — жуда тез тарқалди. Барчаси биз тасаввур қилганимиздан ҳам яхшироқ содир бўлди», — дейди Жосвиак.
Шу билан бирга, Жосвиакнинг таъкидлашича, Apple AirPods тақдим этилгунига қадар ўзининг симсиз наушниклари келажагини кўра билган. Apple симсиз наушниклар ҳақида iPhone ишлаб чиқарилганидан кейиноқ ўйлашни бошлаган.
2009 йилда эса Apple Стэнфорд университети билан AirPods’нинг келажакдаги шакли ҳақида ҳамкорликни йўлга қўйган. Apple юзлаб қулоқларни сканердан ўтказиб, барчага тўғри келадиган дизайн йўлида «қулоқ харитаси»ни яратишни бошлаган. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
«Реал Мадрид» устози Карло Анчелотти кечаги ғалабадан сўнг нималар деди?
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Зеленский: Россия Украинанинг иссиқлик энергетикасини деярли тўлиқ яксон қилди
Қондаги шакар миқдорини тартибга солувчи фойдали мева номи айтилди