20:37 / 01.09.2020
529

Toyota ва Honda табиий офатларда ёрдам берадиган автобус-электростанцияни яратди

Toyota ва Honda табиий офатларда ёрдам берадиган автобус-электростанцияни яратди
Фото: Motor
Honda ва Toyota компаниялари биргаликда водород автобуслари базасида табиий офатлар вақтида электр таъминотини вақтинча тиклашда ёрдам берадиган кўчма электростанцияни яратди. Лойиҳанинг ишлаш имконияти сентябрда синовдан ўтказилади, деб хабар беради Motor.

Moving e станциясининг асосий элементи — водород ёқилғиси элементларида ҳаракатланувчи Toyota FC Bus. Унинг баллонларида 454 киловатт-соатгача энергияни генерация қиладиган ва уни иккита Honda Power Exporter 9000 қувват қурилмаси орқали максимал 18 киловатт узатадиган моделдан икки баробар кўпроқ водород сақланади. Улар ёрдамида 20 та LiB-AID E500 портатив генераторларини, 36 та Honda Mobile Power Pack батарея модулларини ёки тўғридан-тўғри қурилмага уланган мосламаларни қувватлантириш мумкин.

Фото: Motor
Шу билан бирга, Moving e бир вақтнинг ўзида электростанция режимида ишлаб, фавқулодда ҳолатларда электр энергияси билан таъминлаши ва хизмат кўрсатувчи ходимлар учун дам олиш жойи бўлиб хизмат қила олади. Тизимнинг ишлаши сентябрдан бошлаб синовдан ўтказилади.

Бунга қадар Toyota ва Honda тижорий ташкилотлар ва муниципалитетлар ҳукумати билан битим имзолаб, Moving e’дан фойдаланиш кўламини кенгайтирган: водород захираси кичикроқ тадбир ёки йўл хизматларини электр энергияси билан таъминлашга етади.

Фото: Motor

Фото: Motor

Фото: Motor
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)