20:23 / 23.03.2021
907

Чўнтакли кроссовкалар қандай кўринишга эга ва улар нима учун керак?

Чўнтакли кроссовкалар қандай кўринишга эга ва улар нима учун керак?
Фото: Elle
Мода олами ҳамиша ўзига хослик тарафида бўлган. New Balance бренди мана шундай эксперимент қилишдан қўрқмайдиган ихлосмандлар учун ҳар икки пойида ҳам кичик чарм чўнтаклари бор X-Racer кроссовка моделини тақдим қилди.

Бундан аввал Тэрвис Скотт ва Air Jordan 2021 йил март ойида тақдим қилган чўнтакли коллабрация кўпчиликнинг қизиқиши ва ушбу деталь нима учун керак деган саволлар туғилишига сабаб бўлган. Ишлаб чиқарувчилар эса бу саволга ҳаммаси оддий экани ва алоҳида бир хусусияти йўқлигини маълум қилган.

Фото: Elle
Уларнинг айтишича, мазкур чўнтакларга катталиги кафтдан кичкина бўлган буюм ва нарсалар масалан, қулоқчин ва калитларни солиб қўйиш мумкин. Takashi Murakami Porter эса бундай моделларни янада такомиллаштиришга қарор қилди. Натижада бир эмас бешта чўнтаги бор оёқ кийимлар ишлаб чиқарди.

Фото: Elle
Трендларнинг фаол ўзгариб туришидан келиб чиқилса, чўнтакли кроссовкалар мазкур мавсумда долзарб бўлишига шубҳа йўқ. Кўпчиликнинг кўзи ўрганмаганига қарамай, мода ихлосмандлари ва street style юлдузлари аллақачон мазкур пойабзалларни синаб кўришга киришган.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Технология » Чўнтакли кроссовкалар қандай кўринишга эга ва улар нима учун керак?